AS FRASES MÁIS APLAUDIDAS EN 1º

Hoxe grabamos na clase as frases máis aplaudidas por nós, @s de 1º, do documental Lalia. Estabamos nervios@s e non dixemos nin a metade do que escribíramos o outro día. Eso si, foi todo improvisado, non ensaiamos nada. :)

GRAZAS POR SER SOLIDARI@

A semana pasada viñeron da ONG a recoller os alimentos que donamos. Foi unha gran campaña e queremos agradecer a todo o mundo a súa participación, tamén a todas aquelas persoas que fixeron a entrega na biblioteca do concello.

'Lalia' para @s de 2º...

Boas!
Dende 2ºESO estivemos vendo con atención o documental LALIA e velaquí vos deixamos as nosas impresións sobre as frases que máis nos gustaron:

CARAVANA POLA PAZ. CAMPAMENTOS SAHARAUIS

Durante a próxima semana, do 10 - 14 de novembro, participaremos na campaña de recollida de alimentos que a ONG "Solidariedade Galega co Pobo Saharaui" organizou en colaboración co concello. O lugar de recollida dos alimentos é no comedor. Anímate a participar! Colabora!
O pasado xoves visitáronos tres persoas desta ONG e asistimos a unha charla na que recibimos información sobre os diferentes programas que desenvolven e sobre a campaña de alimentos. Así soubemos que se recollen alimentos non perecederos como legumes, arroz, fariña, pasta. O aceite de oliva e a mel aprécianos moito pois utilízanos para as medicinas. As conservas de peixe, como atún e sardiñas, tamén, xa que teñen moi difícil conseguir peixe. Outras cousas que se poden donar son produtos de hixiene: champú, xel, xabrón, crema ...
Aquí deixamos unha pequena mostra da súa intervención.

SOLIDARIEDADE CO POBO SAHARAUI

Despois de recibir información nas aulas sobre a situación do pobo saharaui, o xoves día 6 pola tarde vimos o documental "Sahara Marathon".
Documental gravado en Alxeria que observa a situación dos/ás refuxiados e refuxiadas saharauís. Os preparativos do Maratón do Sahara, celebrado en Febreiro de 2003, serviranos de punto de unión para coñecer o punto de vista dun pobo afastado das súas cidades de orixe. O Maratón do Sahara é un dos acontecementos máis importantes en Alxeria xa que cidadáns/ás doutros países se desprazan alí para gozar do acontecemento e á vez ser testemuñas da situación dun pobo refuxiado dende hai décadas. O conflito que enfrontou a Marrocos e o Sahara Occidental por motivos de ocupación de terras deixou miles de saharauís fóra dos seus fogares. O documental está rodado en Tindouf, lugar onde se celebra o Maratón e onde moitos/ás saharauís viven dende hai 27 anos nun campo de refuxiados/ás. Dende 1991, a ONU xunto a Marrocos asinou un alto ao lume no conflito e dende entón non tomaron solucións definitivas ao respecto. Os/ás habitantes desprazados/ás do Sahara Occidental analizan a situación do seu pobo separado polo conflito e por un muro construído polos marroquís de máis de 2.500 quilómetros. Observaremos os preparativos do Maratón e contaremos coas declaracións dun dos seus participantes, Abdullah, un saharauí refuxiado en Alxeria que coa súa participación quere mostrar a situación do seu pobo.

LALIA NA TITORÍA

Lalia é un documental grabado nos campos de refuxiados e refuxiadas de Arxelia. Nel vemos de xeito evidente o día a día nese campos. O director pon en boca dunha nena todos aqueles pensamentos que non poden saír á luz, non só pola situación de refuxiados senon polo silencio das mulleres nesa cultura. Silencio que gardaron a súa nai, a súa avoa, e que por fin pode comezar a romperse con Lalia, que expresa soños, emocións e recordos non vividos.
Despois de velo, na clase de titoría en 4º, comentámolo e eliximos unha frase do mesmo que nos impactou. Escribímola e explicamos as razóns.

LALIA

"Nunca vi mi pais, pero mi madre dice que  los ojos que miran no son los ojos de ver. Los ojos de ver están en el corazón. Si cierras los ojos puedes ver lo que quieras."

Estas son palabras de Lalia, protagonista do documental que tedes a continuación.
Lalia cóntanos como é o seu país, o Sahara. A súa pequena redacción vainos introducindo no seu mundo. Un mundo de sonos perdidos, de recordos non vividos para acabar espertando na súa realidade. Unha realidade terrible da que quere escapar: o seu exilio nun campo de refuxiados en Alxeria".