"Moita xente pequena, en lugares pequenos, facendo cousas pequenas, pode cambiar o mundo"
Eduardo Galeano

Blogue de Myriam Morán para as materias Igualdade de xénero e Educación para o desenvolvemento

27 de nov. de 2014

1 de Decembro. DÍA INTERNACIONAL DA SIDA


En xuño de 1981 científicos dos Estados Unidos informaron acerca das primeiras evidencias clínicas dunha enfermidade que logo se coñecería como síndrome de inmunodeficiencia adquirida ou SIDA. A súa causa, o virus da inmunodeficiencia humana (VIH), foi identificada en 1983. Trinta anos despois, a epidemia estendeuse a todos os cantos do mundo e máis de 60 millóns de persoas infectáronse co VIH.

O VIH encóntrase nos fluídos corporais dunha persoa que foi infectada, tales como o sangue, o seme, os fluídos vaxinais e o leite materno, e pode ser transmitido a través do contacto sexual sen protección. O virus tamén se transmite entre as persoas que se inxectan drogas usando xiringas sen esterilizar, así como tamén por medio de hemoderivados non sometidos a análise previa. Así mesmo, da nai ao bebé durante a xestación, no parto, ou durante o aleitamento cando a nai é seropositiva.

Durante as décadas posteriores, o índice de infección aumentou de xeito espectacular, ao igual que o índice de mortes. Pero co tempo os novos tratamentos antirretrovirales comezaron a prolongar as vidas das persoas infectadas. Máis de 5 millóns de persoas tiveron a oportunidade de recibir un tratamento antirretroviral en 2009, o cal reduciu o número de mortes relacionadas coa SIDA en máis do 20 por cento nos últimos cinco anos.

Igualmente, nos últimos dez anos, polos menos 56 países estabilizaron ou reducido en máis de 25 por cen o número de novas infeccións de VIH. As novas infeccións de VIH reducíronse nun 20 por cento en tanto que entre os bebés se reduciron en máis do 25 por cento, o que se traduce como un importante paso cara á eliminación da tranmisión do VIH de nai a fillo para o ano 2015.

O sistema das Nacións Unidas estivo á vangarda deste progreso. Dende 1996, os seus esforzos coordináronse a través de ONUSIDA, o Programa Conxunto das Nacións Unidas sobre o VIH/SIDA.


 O director executivo de ONUSIDA da a súa mensaxe  polo día mundial do SIDA.



Obxectivo 90-90-90

Guía rápida de población: www.prb.org

2 comentarios:

  1. Moi boa entrada aínda que para animar a xente podiades poñer preguntas
    Por exemplo: Por que non dan mais vacinas?

    ResponderEliminar
  2. É incrible o número de mortes que leva o SIDA. Aínda que baixou moito, eu penso que habería que intentar baixar o número de mortes ao mínimo, o que se poida. Non me extrana de que o foco desta enfermidade estea en África, xa que alí os preservativos non estan moi ben vistos e ademais, non todas as personas poden permitir compralos. Aínda que non ai un medicamento fixo, eu penso que se está facendo todo o posible por atopar a cura desta enfermidade. Se seguimos así poida que se consiga unha parte do obxectivo do milenio que ten que ver coas enfermidades. Se cadra no 2015 non, pero ao mellor máis adiante ao mellor si.

    ResponderEliminar